Rama nxjerr pamjet nga tuneli i Llogarasë, ja sa kanë ecur punimet

Kryeministri Edi Rama ka publikuar foto nga punimet në tunelin e Llogarasë. Kreu i qeverisë njofton se është hapur 100% tubi i parë i tunelit me gjatësi prej 6 km dhe vazhdon puna për të dytin. Sipas tij në total janë hapur 9 tunele lidhëse nga 11 gjithsej.

“Mirëmëngjes dhe nga Tuneli i Llogarasë, ku pas hapjes 100% të tubit të parë në tunelin me gjatësi prej 6 km vazhdojnë punimet për hapjen e tubit të dytë i cili deri tani ka arritur në 4.670 metra, dhe ku në total janë hapur 9 tunele lidhëse nga 11 gjithsej, ju uroj një fundjavë të mbarë”, shkruan Rama.

Puna për ndërtimin e tunelit të Llogarasë nisi në nëntor 2021, ku kreu i qeverisë së bashku me ministren Balluku njoftuan se ky tunelit parashikon të lidhë në shtatë minuta Orikumin dhe Palasën, si edhe në të ardhura dhe rritje të turizmi.