LIGJET E BIZNESIT
Shqiptarët do të vuajnë nga rritja e çmimeve, ashtu si edhe pjesa tjetër e konsumatorëve të botës, përsa kohë lufta në Ukrainë do të vijojë. Është ky parashikimi që bëjnë ekspertët e ekonimisë, të cilët kanë analizuar në emisionin A2 Business të gazetares Aurora Sulce efektet në ekonomi 1 vit pas sulmit rus mbi Ukrainë. Të dhënat e INSTAT tregojnë se rritja e çmimeve në Shqipëri është e ndjeshme dhe në janar inflacioni i ushqimeve arriti në 13.5%.
Sipas ekspertit të ekonomisë, Eduart Gjokutajt, biznesi po ndjek një trajektore edhe më lart përtej asaj që mund të jetë ajo norma e inflacionit që ndodh në vendet evropiane, për arsye se asnjë reagim nuk po shohim nga qeveria sa i përket atyre që duhet të ndërmerrte për të frenuar këtë qasje, jo vetëm të informalitetit, por në përgjithësi dhe harmonizimit të politikave fiskale dhe monetare që duket sikur janë paralele, por që nuk përputhen asnjëherë apo të konvergojnë.
“Nuk mund të themi që ka kaluar, pasi ne shikojmë tendenca të vazhdueshme, qoftë përsa i përket parashikimeve të rritjes ekonomike që këtë vit parashikohet të jetë më e vogël dhe po ashtu edhe tendencës së inflacionit, që vazhdon të jetë në një nivel që ka një farë frenimi në muajt e parë të viti, por tenton të riaktivizohet. Dhe kjo vjen jo thjesht nga ndikimi i jashtëm por edhe nga reagimi i tregut të brendshëm, që po përcjell efektet me vonesë.
Pra, biznesi po ndjek një trajektore edhe më lart përtej asaj që mund të jetë ajo norma e inflacionit që ndodh në vendet evropiane, për arsye se asnjë reagim nuk po shohim nga qeveria sa i përket atyre që duhet të ndërmerrte për të frenuar këtë qasje, jo vetëm të informalitetit, por në përgjithësi dhe harmonizimit të politikave fiskale dhe monetare që duket sikur janë paralele, por që nuk përputhen asnjëherë apo të konvergojnë”, argumenton Gjokutaj.
