Paga minimale, si ka ndryshuar në 27 vite. Rritja më e madhe ajo nga 1 prilli

Ndryshimet e pagës minimale kanë qenë të shumta në tre dekadat e fundit dhe kanë qenë politikë e thuajse të gjitha qeverive. Të dhënat zyrtare tregojnë se në 27 vitet e fundit, paga minimale ka ndryshuar plot 22 herë.

Ndryshimet e para të pagës minimale kanë nisur në 1996, periudhë kur ajo ishte 4400 lekë. Në dekadën e që përkon me vitin 1996 e deri në 2006, rritjet nuk kanë qenë të ndjeshme, por kanë evoluar ndër vite. Në 2007-ën nuk ka pësuar asnjë rritje, por në vitet  2008-2009 trendi i rritjes ka vazhduar me 2 mijë lekë përkatësisht viteve.

Në periudhën 4-vjeçare që përkon me vitet 2010-2013 paga minimale është rritur me 1 mijë lekë çdo vit, duke arritur në 22000.

Ndryshimet më të ndjeshme janë pas vitit 2021, kur paga minimale ishte në nivelin e 21 mijë lekëve.

Gjatë qeverisjes së socialistëve, ajo ka ndryshuar 7 herë, bashkë me ndryshimin e fundit, duke u rritur nga 21 mijë lekë në vitin 2012 në 34 mijë lekë që është aktualisht dhe në 40 mijë lekë duke filluar nga muaji i ardhshëm. Ndërkohë që bazuar në deklarata e deritanishme të qeverisë, paga minimale pritet që të pësojë sërish rritje deri në 45 mijë lekë në fund të këtij mandati qeverisës.

Shqipëria është vendi i dytë me pagën më të ulët në rajon, duke lënë pas vetëm Kosovën.