BERZH evidenton risqet për Shqipërinë: Ja ku duhet të keni kujdes

Inflacioni i lartë dhe shtrëngimi i kushteve financiare, që mund të ulë konsumin e familjeve dhe investimet, janë risqet kryesore të ekonomisë shqiptare. Ky është vlerësimi që Banka Europiane për Rindërtim dhe Zhvillim ka bërë për Shqipërinë. Sipas BERZH, ekonomia jonë do të ngadalësohet në vitin 2023, pas një zhvillimi pozitiv mbi pritshmëritë menjëherë pas Pandemisë. BERZH ka publikuar Raportin e Tranzicionit 2022-2023, ku parashikon që ritmi i rritjes së ekonomisë shqiptare të frenohet ndjeshëm nga 8.5% në vitin 2021. Banka parashikon që rritja të jetë 3%, si për vitin 2022, ashtu edhe për vitin 2023.

Në raport banka këshillon për strategji fiskale të cilat duhet të kenë qëllim mbrojtjen e shtresave në nevojë. Ajo këshillon gjithashtu rritjen e bazës së taksapaguesve, përmirësimin e mbledhjes së të ardhurave buxhetore, si dhe pakësimin e parasë Cash në ekonomi. Me prioritet shihet nga BERZH adresimi i risqeve fiskale që vijnë nga kontratat e partneritetit publik privat dhe garancitë qeveritare ndaj kompanive shtetërore.

Një tjetër prioritet që duhet të ketë Shqipëria, sipas BERZH është përmirësimi i klimës së biznesit, duke nisur nga sistemi fiskal.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern