Vjedhjet/ 240 mijë prona publike të paregjistruara

Rreth 240 mijë prona të institucioneve shtetërore nuk rezultojnë të regjistruara në kadastër. Ky fakt është pohuar nga drejtori i përgjithshëm i i Kadastrës, Artan Lame. Ky i fundit ka prezantuar regjistrin e pronave shtetërore, ku do listohet çdo objeket në pronësi të institucioneve publike. Ai tha se qindra e mijëra prona shtetërore nuk rezultojnë të regjistruara në Kadastër, fakt që është përdorur në vite për vjedhjen e shumë prej tyre. “Abuzimet më të rënda janë hasur në institucionet që kanë shtrirje të madhe në territor, sicc janë Ministria e Mbrojtjes, e Shëndetësisë apo e Arsimit.

Deri tani është bërë e mundur regjistrimi në Kadastër i 20 mijë objekteve në pronësi të institucioneve shtetërore, ndërkohë që procesi do vijojë me hedhjen në regjistër të secilës prej tyre”, deklaroi lame.

Kreu i Kadastrës kërkoi nga përfaqësuesit e institucioneve publike që të fillojnë identifikimin e pronave të institucioneve të tyre dhe të presin grupet e punës së kadastrës, që do bëjnë të mundur regjistrimin e objekteve.