Edhe pse të ardhurat kanë qenë të konsiderueshme, madje me tejkalim për shkak të rirtjes së cmimeve, qeveria sërish ka krijuar borhxte ndaj biznesit apo partnerëve. Sipas të dhënave nga Ministria e Financave në nëntor të vitit 2022 detyrimet e prapambetura arritën 19.8 miliardë lekë, niveli më i lartë që nga tetori 2021. Në raport me muajin e kaluar stoku i detyrimeve u zgjerua me 10%, dhe në raport me nëntorin 2021 janë zgjeruar me 20%.
Rritje ka pasur gjithashtu tek detyrimet në sektorin e infrastrukturës. Në fund të nëntorit 2022, ato arritën 8.9 miliardë lekë, me rritje mujore 5% dhe me rritje 43% kundrejt vitit të kaluar.
Ky borxh përfaqëson detyrimet e papaguara në kohë të Ministrisë së infrastrukturës ndaj kompanive private të kontraktura për pune dhe shërbime. Në krahasim me një vit më parë ky borxh u dyfishua edhe pse qeveria ka arritur të harxhoje deri në nëntor vetëm 50 për qind e programit të investimeve të miratuar në fillim të vitit.
Rritje të shpejtë kanë pësuar edhe detyrimet në zëra të tjerë të tillë si, ato të pushtetit lokal, vendimet e gjykatave etj. Në nëntor 2022 detyrimet në këtë zë arritën në 10 miliardë lekë me një rritje 10 për qind në krahasim me tetorin 2022 dhe 8.7%.
Për shkak të alokimeve të larta në muajin dhjetor të vitit 2022, pritet që detyrimet e prapambetura të jenë shuar.
Në ditët e fundit të dhjetorit Ministria e Financave alokoi shuma të mëdha fondesh për shkak të mbylljes së buxhetit. Përfituesit më të mëdha ishin kompanitë e ndërtimit, të cilat morën pagesat më të larta.
