ERE pezullon fashën 800 kWh për dhjetorin, lë të pandryshuar çmimin për HEC-et e vegjël

Ashtu siç ishte deklaruar më herët nga drejtues të qeverisë, fasha 800 kilovat orë e energjisë elektrike nuk do të vendoset në dhjetor. Heqja e fashës u konkretizua edhe nga Enti Rregullator i Energjisë në mbledhjen e sotme.

Sipas një vendimi më të hershëm të shtatorit, ERE miratoi aplikimin e një tarife 42 lekë për çdo KËh energji por që do të ishte objekt shqyrtimi muaj pas muaji në varësi të situatës.

Për tetorin dhe nëntorin kjo fashë nuk u zbatua duke argumentuar se kursimi kishte dhënë efekt. Për dhjetorin KESH-i në aplikimin depozituar në ERE nënvizonte se situata hidrike është përmirësuar ndjeshëm çka ka edhe efektin kryesor në kërkesën e pezullimit.

Tashmë FSHU po furnizohet nga KESH-i dhe kushtet kanë ndryshuar. Në aplikimin e depozituar pranë Entit, gjeneruesi publik i cili është ngarkuar me furnizimin me energji të vendit në kushtet e emergjencës pranonte se tashmë rezerva energjetike në dhjetor është 735 GëH.

Bordi i Komisionarëve i ERE miratoi gjithashtu çmimin vjetor të blerjes së energjisë elektrike që do t’u paguhet prodhuesve ekzistues me përparësi për vitin 2023. Ky çmim do të jetë i njëjtë me atë të vitit 2022 prej 8.5652 lekë/kWh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern