Vidhnin para dhe flori/ Tre grabitësit shqiptarë “bëjnë kërdinë” në vilat luksoze të Portugalisë

Një bandë grabitësish shqiptarë prej tre anëtarësh akuzohet se ka kryer grabitje në një sër vilash luksoze në Portugali.

Si synim ata kanë patur copat e floririt dhe para cash të gjetura në kasaforta.

Mediat vendase raportojnë se tre anëtarët e organizatës mafioze shqiptare, me qendër në Galicia, planifikuan dhe kryen grabitje të rezidencave luksoze në rajonin Minho.

Sipas “Jornal de Notícias”, grabitësit kanë vjedhur të paktën gjysmë milioni euro në 11 shtëpi të zonës.

Banda shqiptare paraqitej tepër e organizuar në mënyrën sesi realizonte grabitjet, të cilat kishin në fokus ambiente ku kishte flori, bizhuteri, veshje të markave prestigjioze dhe qindra mijëra euro që viktimat ruanin në kasaforta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në muajin shkurt, një hetim nga GNR bëri të mundur ndalimin e dy anëtarëve të grupit , të cilët ndodhen në paraburgim dhe tashmë janë akuzuar nga Ministria Publike (MP) për krime në kuadër të grupit kriminal, vjedhje të rëndë dhe falsifikim dokumentesh.