Shtatzëninë e mbajti larg vëmendjes dhe rrjetet sociale, por tani që është bërë nënë Ilda Bejleri thjesht nuk mund të kursehet së postuari.
Ditën e sotme ajo ka ndarë në Instagram një foto me vajzën e saj, të cilën e ka quajtur Siena. Moderatorja shihet e veshur me një fustan të zi elegant teksa pranë ka të bijën në karrocë. Interesant është një detaji në captionin që ajo ka vendosur poshtë fotos ku shkruan: “Ecje jashtë me Sienën time” dhe krah emrit të vajzës ka vendosur shkronjën K, shkronjën e parë të mbiemrit të vajzës dhe partnerit.
Pak ditë më parë ajo postoi disa foto ku dukej në super formë. Ilda shfaqej e veshur me një fustan të zi të gjatë saten të cilin e kishte shoqëruar me taka transparente dhe një çantë të kuqe. Look-un e saj Ilda e kishte plotësuar me shumë bizhuteri argjendi: Unaza, orë, byzylykëdhe dy varse. Ajo shfaqej me një makeup shumë natyral dhe flokë të drejtë.
‘Mami e re në qytet’– kishte shkruar ajo krah fotove, ku mori komente të shumta pozitive.
Ilda zbuloi se është bërë nënë për herë të parë rreth dy javë më parë. Moderatorja publikoi foton e parë të vajzës së saj teksa ndodhej në spital.
“Nga dashuria me dashuri. Siena jonë është këtu”- shkroi ajo./Panorama Plus
