Kreu i Partisë së Lirisë Ilir Meta, thotë se mbështet protestën e zhvilluar dje para Bashkisë së Tiranës nga banorë të disa zonave, të cilëve u janë prishur shtëpitë. Sipas Metës, pronat e qytetarëve po vidhen për t’i hapur rrugë ndërtimit të pallateve nga krimi.
“Partia e Lirisë mbështet plotësisht kauzën e drejtë të qytetarëve për të mbrojtur shtëpitë e tyre nga projektet e mafies së inceneratorëve. Pa asnjë trasparencë dhe komunikim me qytetarët, Qeveria duke vepruar si banditët, ka rrëmbyer pronat dhe banesat e tyre.
Ne solidarizohemi plotësisht me luftën e tyre për mbrojtjen e pronës, të shtëpive dhe të familjeve të tyre. Pronat e qytetarëve po vidhen në dhunim të ligjit për t’i hapur rrugë ndërtimit të pallateve ku pastrohen parat e krimit të organizuar
Partia e Lirisë ka qenë, është dhe do të jetë gjithmonë në krah të qytetarëve. Të bashkuar do t’i largojmë pushtuesit e sektit rilindas nga zyrat e shtetit shqiptar”, shkruan Ilir Meta dhe ndan një foto të banorëve që protestuan dje para Bashkisë së Tiranës.
