Kryetari i Partisë së Lirisë, Ilir Meta, ka vijuar të akuzojë Kreministrin Edi Rama duke e etiketuar si ‘Ramoviç’. Meta u shpreh se ‘përpara kemi një pranverë të hershme’ duke iu referuar protestave qytetare kundër qeverisë së Ramës.
“Problemi ynë është menaxhimi i padurimit të popullit shqiptar. Do menaxhojmë në mënyrën më të shkëlqyer këtë dëshirë të madhe për ndryshim.”-tha Meta.
Në një intervistë televizive, Meta po ashtu i dha një mesazh Ramës duke i thënë se do dënohet me ligjet e veta ndërsa shtoi se kreu i qeverisë është zemërlepur.
“Ramoviçi ‘The final countdown. Mos më dil përballë me lepurusha e lepurushe, unë e kap demin për brirësh dhe e përplas përdhe si në të kaluarën. Ti je një zemërlepur dhe hiq dorë nga raportet me bandat për të goditur opozitën, për të inskenuar krime politike. Ke bërë shumë dhe i ke dosjet plot. Do dënohesh me ligjet dhe firmat e tua.”-tha Meta.
