LIGJET E BIZNESIT
Ish-kryetari i Partisë Demokratike Lulzim Basha ka dalë me një mesazh në ditën e përkujtimit të viktimave të regjimeve totalitare.
Ai e nis me shprehjen e At Zef Pllumit: “Kurrgjanë mos kjosh i zoti me ba, rrno vetëm për me tregue.”
Ish-kryetari i PD shprehet se ata mbijetuan për t’i treguar shqiptarëve dhe mbarë botës krimet e tmerrshme të komunizmit. Kurrë nuk është vonë për drejtësi, shkruan Basha dhe shton se ndarja nga e shkuara është e domosdoshme.
“Kurrgjanë mos kjosh i zoti me ba, rrno vetëm për me tregue.”
Ata mbijetuan për t’i treguar shqiptarëve dhe mbarë botës krimet e tmerrshme të komunizmit, vrasjet pa gjyq, persekutimin dhe ndarjen e familjeve shqiptare, vrasjen dhe burgosjet e mendjeve më të ndritura që kishte vendi. Shqipëria do t’ju jetë përjetë mirënjohëse!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por ndërsa mbijetuan ata panë me trishtim se si u lartësuan xhelatët e tyre, vazhduan të kenë pushtet dhe të jenë të paprekshëm. Përjetuan dhimbjen e mos gjetjes së eshtrave të të ekzekutuarve me dhe pa gjyq, zhdukjen e gjurmëve të krimeve dhe emrave të kriminelëve.
Kurrë nuk është vonë për drejtësi! Ndarja nga e shkuara totalitare dhe dënimi i saj janë sot imperative për shoqërinë, për paqen tonë sociale, për mbrojtjen e lirisë që është thelbi i idealit tonë europian, dhe për ngjadhënjimin e një të ardhmeje më të mirë.
