1. Praktikoni rutinën e shkollës para se të fillojë
Disa javë para se shkolla të nisë, filloni t’i zgjoni dhe t’i vini për të fjetur më herët se zakonisht. Kjo është e rëndësishme që fëmijët të mos përballen me ndryshimin e menjëhershëm të rutinës.
2. Bëni kujdes me gjendjen emocionale të fëmijës
Ditët e para të shkollës shoqërohen me shumë ngarkesë emocionale prandaj qëndrojini më pranë se zakonisht dhe vëreni emocionet e tyre. Shihni çfarë i shqetëson, cilat janë pyetjet që bëjnë dhe gjërat ku tregohen të rezervuar.
3. Bëjani të ditur se është OK të jenë nervozë
Të gjithë fëmijët janë nervozë dhe në stres dhe të emocionuar para nisjes së shkollës. Të gjitha ndjesitë miks, janë më shumë se normale, por fëmijët duhet ta dinë këtë. Ndihmojini duke i thënë se është ok dhe se i kuptoni që mund të kenë frikë nga mësuesja dhe se është ok të të tregojnë për gjithçka i mundon.
4. Inkurajojini fëmijët të kërkojnë ndihmë kur kanë nevojë
Shkolla, sidomos gjimnazi është i vështirë si nga ana akademike, ashtu edhe mendërisht apo emocionalisht. Shpjegojini se më e mira e tyre mund të duket ndryshe nga njëra ditë në tjetrën.
5. Sigurohu që po komunikoni rregullisht me mësuesit
Flini vazhdimisht me mësuesit apo punonjësit e tjerë të shkollës edhe pa dijeninë e fëmijës. Pyesni sesi mund të ndihmoni apo të jepni kontributin tuaj dhe krijoni lidhje të forta me gjithë personat që janë përgjegjës për edukimin e fëmijëve.
6. Shpjegojini që klasa është një komunitet më vete
Sqarojini se janë pjesëtar të një grupi shoqëror dhe si të tillë duhet të japin kontributin e tyre. Ndihmojini të bëjnë gjëra për të qenë të dobishëm dhe mësojini si të sillen në grup.
7.Tregojini të mirat dhe pasojat negative që vijnë nga media sociale
Fëmijët duhet të jenë të ndërgjegjshëm për pasojat që i presin nëse nuk gjejnë një ekuilibër mes shkollës, shoqërisë dhe botës virtuale. Anabel
