Detaje të reja nga atentati në Vlorë/ Autorët qëlluan me breshëri, mjeti ku ndodheshin dy viktimat ra në kanal

Dalin detaje nga atentati që tronditi Vlorën mëngjesin e sotëm, ku dy persona u ekzekutuan në makinë, ngjarje kjo e ndodhur pranë mbikalimit të Panajasë.

Autorët kanë qëlluar drejt mjetit ku po udhëtonin viktimat.

Ndërkohë mësohet se është gjetur dhe një automjet i djegur, që dyshohet se ka lidhje me vrasjen.

Krimi duket se është i mirëorganizuar, teksa sipas informacioneve thuhet se makina është qëlluar nga pas.

Sipas burimeve, në spitalin e Vlorës është paraqitur edhe një person i plagosur.