Një argjendari që ndodhen vetëm 100 metra nga komisariati i policisë është grabitur mbrëmjen e djeshme në qytetin e Lezhës.
Një person me motor dhe skafandër në kokë ka shkuar brenda argjendarisë dhe ka marrë disa sende me vlerë.
Më pas, ka dalë për t’u larguar por është ndjekur nga pas nga pronari i biznesit dhe të dy janë përleshur fizikisht, sipas News 24.
Pavarësisht përplasjes me pronarin e argjendarisë, i riu ka mundur të largohet dhe deri tani nuk është identifikuar.
Shërbimet e Policisë po punojnë për zbardhjen e saj dhe kanë sekuestruar kamerat e sigurisë.
Megjithëse dyqani ndodhej në rrugën kryesore dhe ngjarja ka ndodhur në një kohë ku kishte shumë lëvizje qytetarësh, grabitësi nuk e ka menduar dy here për të vepruar, duke mos u trembur as nga Komisariati i Policisë që ndodhej fare pranë.
