LIGJET E BIZNESIT
Të gjithë ne po ndjejmë efektet e inflacionit dhe rritjet e çmimeve, të cilat po reflektohen ndjeshëm në shportën ushqimore e cila po bëhet gjithnjë e më e shtrenjtë.
Ushqimet bazë si vaji, veza, buka, sheqeri, mishi apo qumështi, kanë pësuar një rritje të konsiderueshme në muajt e fundit. Paratë e harxhuara shtohen, madje edhe për blerësin më të zgjuar.
Megjithatë, ka mënyra për të ndihmuar të shpenzoni më pak për ushqimet, duke provuar disa nga këto këshilla.
Bëni blerje me plan
Është e vështirë të përcaktohet sasia, por planifikimi ju ndihmon të kurseni para për shumë arsye. Bërja e një liste ushqimore ju ndihmon të shmangni blerjet impulsive. Ju keni më shumë gjasa të përdorni atë që ju mungon dhe jo atë që shihni në market, gjë që ndihmon në uljen e kostove më shumë. Hulumtuesit vlerësojnë se, mesatarisht, familjet hedhin rreth 30% të ushqimit që blejnë.
Të kesh një plan darke (plus disa dreka dhe mëngjese) për javën gjithashtu të ndihmon të gatuash më shumë në shtëpi dhe të heqësh dorë nga opsione të tjera më të shtrenjta në ditët e ngarkuara.
Nuk duhet të jetë komplekse, por të kesh disa receta të shkruara dhe më pas të blesh për këta përbërës është një strategji e shkëlqyer për t’ju ndihmuar të kurseni para në dyqan.
Zgjidhni një opsion më të lirë
Zgjedhja e frutave dhe perimeve të ngrira, të konservuara ose të thata është një mënyrë e shkëlqyer për të kursyer para dhe për të marrë ende vitamina, minerale, fibra dhe antioksidantë në dietën tuaj. Kërkoni opsione që janë më të ulëta në sheqerna dhe kripë të shtuar. Konsideroni të ndërroni një frut ose perime më të shtrenjtë me diçka më të lirë.
Sigurohuni që të hani atë që blini
Ju duhet të përdorni produktet që nuk “jetojnë” gjatë, në mënyrë që të mos përfundoni duke hedhur para. Ju gjithashtu mund të provoni të ngrini produktet ose t’i përdoni ato në mënyra të tjera gatimi.
Kontrolloni çmimet për njësi
Nëse nuk e dini se çfarë është çmimi për njësi, duhet ta dini. Ndodhet në raft pranë çmimit për artikullin dhe ju lejon të krahasoni më mirë madhësitë dhe markat e ndryshme. Mund të ketë kuptim të blini kutinë më të madhe, e cila do të kushtojë më shumë në atë kohë, por do të jetë më e lirë për paund se kutia më e vogël. Çmimet për njësi ju tregojnë koston bazuar në peshë dhe madhësitë më të vogla kushtojnë më shumë.
Kujdes me mishin…
Ushqimet e pasura me proteina si mishi, shpendët dhe ushqimet e detit priren të jenë disa nga ushqimet më të shtrenjta në pjatat tona. Ka mënyra për disa kursime të zgjuara këtu pa hequr dorë nga mishi (nëse nuk dëshironi!). Është e vërtetë që shumë proteina me bazë bimore , si fasulet dhe tofu, janë më të lira se mishi. Provimi i një ose dy vaktesh pa mish mund t’ju ndihmojë të kurseni para.
Shiheni dy herë datën e skadencës
Kontrolloni datat e skadencës, si në dyqan ashtu edhe në shtëpinë tuaj, për t’u siguruar që ajo që po blini është e freskët dhe se po përdorni fillimisht produktet më të vjetra. Një produkt ju mund ta përdorni për shumë kohë.
Kompeltoni ‘qilarin’ dhe ‘frigoriferin’ tuaj
Ndonjëherë kur duket sikur nuk ka asgjë për të ngrënë në shtëpi, mbase ka. Pra bërja e një liste ushqimore, mund t’ju ndihmojë të kurseni para, pasi po përdorni atë që keni. Mund të duhet pak më shumë përpjekje – mbase nuk jeni vërtet i sigurt se çfarë të bëni me atë kuti makaronash , ose keni pasur një qese brokoli që lëngon në frigorifer – por përdorimi i tyre për të krijuar një vakt mund të ndihmojë në mbajtjen e kostot ulur.
Blini me shumicë (kur ka kuptim)
Të blesh më shumë nga çdo gjë nuk është zgjidhja më e zgjuar – dhe do të thotë që po shpenzon shumë para paraprakisht për sende ushqimore. Dyqanet e mëdha zakonisht ofrojnë oferta të shkëlqyera për sende ushqimore. Ato mund të jenë veçanërisht të dobishme për familjet e mëdha që kanë nevojë të grumbullojnë shumë ushqime. Edhe nëse nuk po gatuani për një turmë, mund të zbuloni se ka kuptim të blini disa ushqime bazë me shumicë për shkak të kursimeve të konsiderueshme të kostos.
