LIGJET E BIZNESIT
Moti i keq ka përfshirë kryeqytetin e Koresë Jugore, Seoul.
Për pasojë të paktën 8 njerëz kanë vdekur dhe 14 të tjerë janë plagosur nga vërshimet.
Shirat e rrëmbyeshëm kanë bllokuar rrugët, duke vërshuar në sistemet e metrove dhe kanë shkaktuar dëme nëpër provincat fqinje.
Sipas agjencisë vendase për motin, në disa zona ka rënë sasia më e madhe e shiut në 80 vitet e fundit.
Në zonën Dongjak të kryeqytetit jugkorean, është raportuar për më shumë se 141.5 milimetra shi brenda orës – njëherësh shifra më e lartë prej vitit 1942.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas zyrtarëve për motin, shiu pritet të vazhdojë edhe disa ditë.
Të paktën 163 njerëz në Seul kanë mbetur pa streha të sigurta dhe janë duke qëndruar në shkolla dhe objekte tjera publike, ka raportuar agjencia jugkoreane, Yonhap.
Presidenti jugkorean, Yoon Suk-yeol, u ka kërkuar zyrtarëve qeveritarë që të evakuojnë banorët nga zonat me rrezik të lartë, si dhe u ka bërë thirrje bizneseve që t’iu mundësojnë punëtorëve orar fleksibil, për shkak të trafikut të dendur nëpër rrugë.
