Kryeministri i Kosovës Albin Kurti ka folur për median italiane “La Repubblica”.
Në fokus të intervistës kanë qenë tensionet në veri të vendit, pas reciprocitetit për targat e dokumentet.
Kurti shprehet se pas bllokimit të rrugëve në veri të Kosovës, qendron Rusia.
“Më 25 nëntor, kryeministri serb Vuçiç ishte në Soçi: ishte takimi i nëntëmbëdhjetë me Putinin në dhjetë vjet, mesatarisht ata takohen dy herë në vit. Nuk është normale për liderët e qeverisë. Me atë rast Vuçiç tha: ” Folëm për standarde të dyfishta dhe hipokrizi në marrëdhëniet ndërkombëtare. Putini është i vetëdijshëm për këtë. Unë ia tregova veriun e Kosovës në hartë”. deklaron Kurti.
Më tej kryeministri i Kosovës thekson se edhe barrikadat e ngritura në rrugë nuk ishin spontane por të organizuara nga Beogradi dhe të mbështetura nga Rusia.
“Konvertimi i targave të futura nga Millosheviçi është vendim i qeverisë sime. Ata kanë dy muaj. E njëjta gjë vlen edhe për dokumentet: të dielën, për ato pak orë që ka qenë në fuqi, në pikat kufitare që kanë mbetur të hapura kanë qenë të hapura. dhanë 2679 pa incidente.
Prandaj u desh të thërrisnin dikë për barrikada: protesta nuk u ngrit spontanisht nga poshtë, ajo u organizua nga Beogradi dhe u mbështet nga Rusia”.- vijon më tej Kurti.
Lidhur me mundësitë e një konflikti të ri mes dy vendeve Kurti thotë se, rreziku mbetet i lartë.
