Aksident në Lezhë-Shkodër, “Audi” u fut në parakalim të gabuar, 4 të plagosur, 1 në gjendje të rëndë

Një aksident i rëndë është shënuar sot në aksin Lezhë-Shkodër, ndërsa raportohet se kanë mbetur disa persona të plagosur, mes tyre një fëmijë.

Të plagosurit janë transportuar me urgjencë në spitalin e Lezhës, ndërsa fëmija ndodhet në gjendje të rëndë.

Në aksident është përfshirë një fuoristrada “Mitsubish” dhe një “Audi a6”. Aksidenti ndodhi në superstradën Lezhë-Shkodër në afërsi të Pirajve. Mësohet se “Audi” me targa të Kosovës ka kryer një parakalim të gabuar duke u përplasur me makinën tjetër, që vinte në drejtim të Lezhës, për pasojë 4 persona janë plagosur, një në gjendje të rëndë. Trafiku është bllokuar në të dy anët dhe lëvizja është devijuar në aksin e vjetër, Kallmet- Dajç.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern