Rënia e 10-vjeçarit polak nga kati i tretë i hotelit në Durrës/ Prindërit e panë të gjithë ngjarjen

Një ngjarje e rëndë ka tronditur mbrëmjen e djeshme Durrësin, ku një 10 vjeçar nga Polonia i cili ndodhej në Shqipëri për pushime, ka rënë nga kati i tretë i një hoteli në Shkëmbin e Kavajës.

I mituri 10 vjeçar ndodhet në spitalin e Traumës në Tiranë. Gjendja e tij tashmë paraqitet jashtë rrezikut për jetën, por vijon të mbahet nën përkujdesjen e imtësishme të mjekëve.

Mësohet se gjatë momentit që i mituri polak ka rënë nga ballkoni i hotelit në Shkëmbin e Kavajës, prindërit e tij kanë qenë të pranishëm por nuk kanë mundur ta parandalojnë rënien e tij.

Ndërkohë pushuesit e tjerë të cilët po ashtu kanë parë ngjarjen e ndodhur mbrëmjen e djeshme rreth orës 22:40 shprehen të tronditur.

Familja nga Polonia prej ditësh ndodhej në Durrës ku kishin zgjedhur të kalonin pushimet në Shkëmbin e Kavajës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern