“Më është ngritur një kurth, jam vetëm” Zbardhet shënimi i fundit i aktorit shqiptar që humbi jetën me bashkëshorten në SHBA

Një ngjarje e rëndë tronditi dje opinionin publik.

Lajmi që aktori shqiptar Florind Belliu shty bashkëshorten duke e hedhur nga kati i gjashtë i banesës dhe më pas u hodh vetë, është përhapur me shpejtësi.

Ngjarja ndodhi në New York të Shteteve të Bashkuara të Amerikës.

Ndër të tjera në rrjet është duke qarkulluar informacioni se 35-vjeçari kishte probleme të shëndetit mendor kohët e fundit dhe këtë gjë e konfirmojnë edhe miqtë e tij. Ai kishte ndryshuar sjellje dhe fliste për ngjarje që nuk ekzistonin.

Ajo që ka bërë shumë përshtypje është një status i publikuar në një grup në Facebook nga vetë Florindi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Siç shihet nga postimi i mëposhtëm, Florindi flet për një ngjarje që nuk gjen dot drejtësi, i është bërë kurth dhe për të cilën shumë persona e kanë lënë vetëm.

Nuk dihet nëse ky është një status ironik, me nota gazmore apo i shkruar seriozisht nga vetë Belliu, por fjalët në të janë të rënda.

Florindi shkruante:

Do kisha shume deshire te vazhdoja te beja meme por nuk mundem me! Po e shkruaj kete perpara se te  me detyrojne te them gjera qe nuk jane dhe gjera qe nuk i kam bere. Me eshte bere nje kurth shume i madh i shtrire ne kohe shume te gjate. Jane perfshire shume njerez prandaj nuk ja vlen te permend emra. Per 2 cunat e mi, Schëibe dhe Rayan, kurre ne jeten time nuk kam shkelur as nje ligk. As kam bere ndonje shkelje. Kam menduar se te flasesh dhe te thuash cte duash eshte e drejte hyjnore. Perpara se te me detyrojne me forma nga me te ndryshmet. Babi ju do shume Mi kan kthyer te gjithe kunder . Me forma nga me te ndryshmet secilin me arsyet e veta. Jam vetem, vetem fare nuk kam as njeri. Nuk kam si e nxjerr te verteten. Jam i pafuqishem. Nuk gjej dot as avokat dhe as gazetar ta bej publike Me vjen keq. Kam vetem Allahun . Ai me mjafton.