Ish-kreu i Aleancë Kuq e Zi, Kreshnik Spahiu përmes një postimi në rrjetet sociale ka sjellë një tablo prekëse nga ajo që ndodh çdo ditë në Shqipëri.
Spahiu shkruan se brezi më i mirë, që dhanë gjithçka për fëmijët e tyre, kishin familje të mëdha dhe ruanin marrëdhëniet farefisnore me njëri-tjetrin, tashmë po vdes.
Nisur nga largimet masive të shqiptarëve, Spahiu ngre shqetësimin se pikërisht ky brez po vdes i vetëm sepse nuk po shijojnë dot as grimcat e lumturisë me nipërit dhe mbesat që janë në emiogracion.
Postimi i plotë:
Po vdesin !
Brezi më i mirë është duke vdekur…
Ato që s’kanë bërë shkencë , por që kanë dhënë gjithçka për fëmijët.
Po zhduken familjet e mëdha, me shumë fëmijë dhe që respektonin prindrit. Rinia e sotme nuk njeh kushërinjtë.
Po vdesin gjyshrit e varfër por që kane kapercyer me zemër të madhe gjithë veshtiresitë financiare ..
Jane duke vdekur ..
Ata kane njohur kohë lufte , kohë kur kanë shtrënguar rripat dhe janë kënaqur me pak , kanë njohur dhimbje dhe vuajtje , shpesh kane punuar si kafshe…dhe nuk ankoheshin kurrë !
Ata kerkonin grimca te thjeshta lumturie…dhe sot kerkojnë vetëm të perjetojnë çaste te lumtura me niperit dhe mbesat e tyre …
Ata po ikin nga kjo bote pa shqetesuar njeri , gjithmone ata s’kane shqetesuar …ata po ikin pa u thënë lamtumire fëmijve dhe nipave që janë në emigracion.
Shqipëria po humb në gjeneratë që do i mungojë kombit tonë brez pas brezi….
Do na mungini shumë…..
