LIGJET E BIZNESIT
Policia e Tiranës ka arrestuar një 23-vjeçar.
Ai akuzohet se plagosi me mjet prerës të riun E.M., 21-vjeç.
Sipas uniformave blu, ngjarja ndodhi mbrëmjen e djeshme pas një konflikti për motive të dobëta.
Për pasojë 21-vjeçari i plagosur E.M., ndodhet në spital nën kujdesin e mjekëve. Sakaq materialet i kaluan Prokurorisë, për veprime të mëtejshme procedurale.
NJOFTIMI ZYRTAR I POLICISE
Plagosi me mjet prerës një shtetas, vihet në pranga 23-vjeçari.
Specialistët për Hetimin e Krimeve në Komisariatin e Policisë Nr. 5 arrestuan në flagrancë shtetasin O. M., 23 vjeç, për veprën penale “Plagosja e rëndë me dashje”.
Ky shtetas, mbrëmjen e djeshme, pas një konflikti për motive të dobëta, ka goditur me mjet prerës shtetasin E. M., 21 vjeç, i cili si pasojë është dëmtuar dhe ndodhet në spital, nën kujdesin e mjekëve.
Materialet i kaluan Prokurorisë, për veprime të mëtejshme procedurale.
