LIGJET E BIZNESIT
E premtja mbrëma u trondit në Kurbin pasi një 28-vjeçar u vra me armë zjarri dhe një person tjetër u plagos. Klisman Preçi, 28 vjeç dhe Ylli Brahimi, 46 vjeç, të dy emra të njohur për policinë, ishin shënjestra e atentatit që ndodhi në Milot në dyert e pallatit ku jetonin të dy.
Viktima dhe i plagosur banonin në të njëjtin pallat dhe jetonin respektivisht në katin e parë dhe të tretë.
Ndërkohë përveç pikave të kontrollit të ngritur në akset kryesore të Veriut të vendit dhe rrugëve që të çojnë drejt zonës së Krujës, edhe në Spitalin e Traumës në Tiranë janë stacionuar forca të shumta policore.
Klisman Preci
Të dy personat kanë qenë objektiv i sulmeve të armatosura në janarin e 2021 e vitit të shkuar dhe në muajin maj në dy atentate të bëra në mes të ditës.
Ndërkohë sa i përket atentatit të mbrëmshëm, Preçi dhe Ibrahimi lëviznin me një automjet fuoristradë tip “Land Chrysler”, të blinduar.
Ndërkohë, nga burime zyrtare mësohet se dyshimet paraprake të policisë janë se Ylli Brahimi ka qenë objektivi i autorëve që kanë qëlluar në drejtim të mjetit, teksa i janë afruar me një automjet tip “Audi” që dyshohet se u dogj në zonën e Krujës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ata janë qëlluar në momentin kur kanë zbritur nga automjeti i tyre dhe ishin duke hyrë në pallatin ku banonin.
Ndërkohë, po merren në pyetje edhe banorët e zonës të cilët mund të kenë dijeni, por edhe disa persona që mund të kenë dijeni për të kaluarën e dy të rinjve.
Pak minuta pas krimit në Milot, në fshatin Gramëz, rrethi Krujë, është djegur një automjet, që dyshohet se është automjeti i përdorur nga autori/ët për kryerjen e kësaj ngjarjeje kriminale. Nga këqyrja paraprake, brenda tij, janë gjetur 2 armë zjarri kallashnikovë.
Grupi hetimor, nën drejtimin e Prokurorisë së Rrethit Gjyqësor Kurbin, vazhdon veprimet hetimore, duke administruar çdo provë, pamje filmike, informacion si dhe dëshmi, për zbardhjen e plotë të rrethanave të ngjarjes.Balkanweb
