Shtyhet pa afat Samiti i muxhahedinëve në Manëz, qeveria e SHBA kishte një informacion nga Irani

Samiti Botëror i Iranit të Lirë do të shtyhet.

Ai ishte planifikuar për tu mbajtur në datat 23 dhe 24 korrik në kampin “Ashraf 3” në Manzë të Durrësit.

Sipas asaj që bën me dije kampi MEK samiti do të shtyhet deri në njoftimin e mëtejshëm me rekomandime të qeverisë shqiptare, për arsye sigurie dhe për kërcënime e komplote terroriste.

Njoftimi për shtyrjen e samitit vjen pas njoftimit të mbrëmshëm të Ambasadës së SHBA, që sqaronte qytetarët e saj se kishte sinjale të qarta për një kërcënim nga Irani lidhur me ceremoninë.

Ambasada madje i kërkonte qytetarëve amerikanë që jetojnë në Shqipëri që të merrnin masa për mbrojtjen e tyre.

“Qeveria e SHBA është në dijeni të një kërcënimi të mundshëm që synon Samitin Botëror të Iranit të Lirë që do të mbahet pranë Durrësit, Shqipëri në 23-24 korrik 2022”, thuhej në njoftim.

Qytetarëve të SHBA-së u kërkohej të shmangnin këtë ngjarje:

• Monitoroni mediat lokale
• Jini të vetëdijshëm për rrethinën tuaj
• Mbani një profil të ulët