“Hapi ynë final Gjykata Kushtetuese” Dhoma e Avokatisë kundër hartës së re gjyqësore, paralajmëron Maks Haxhia

Kreu i Dhomës së Avokatisë Maks Haxhia u shpreh sot se harta e re gjyqësore është antikushtetuese.

Ai theksoi në një komunikim për mediat se në kushtet aktuale, hapi i rradhës do të jetë Gjykata Kushtetuese.

“Demonstruam protestimin civil dhe demokrat pavarësisht mosdëgjimit. Pasojat janë direkte mbi ne dhe publikun. Ne dalin nga kjo sallë me një reputacion dhe të vendosur se kemi marrë qëndrim të drejtë.

Për të qenë korrekt me kuadrin ligjor dhe statutin që rregullon gjithë veprimtarinë e Dhomës kjo mbledhje është në konform të të gjitha kërkesa dhe çdo vendim që do merret është konform ligjit. Tani hapi ynë final do të jetë Gjykata Kushtetuese. Këshilli ka ngritur një grup që do përgatisë material që do finalizohet me një kërkesë të përcaktuar konform ligjit”, tha ai.