Debatet për emrin/ Kuvendi merr vendimin e papritur për zgjedhjen e Avokatit të Popullit

Ndryshe nga ideja fillestare për tu zgjedhur nesër në parlament, Avokati i ri i Popullit do të caktohet në shtator.

Mësohet se ky vendim është marrë në mbledhjen e sotme të grupit parlamentar të Partisë Socialiste.

Arsyeja kryesore e shtyrjes së zgjedhjes së Avokatit të ri është përplasja brenda Partisë Demokratike për të nxjerrë të paktën një emër që gëzon 28 mbështetës.

Deputetët demokratë nuk kanë arritur në dy ditët e fundit të unifikohen në një emër të përbashkët, çka e bën të pamundur futjen e procedurës për votim në seancën e nesërme.

Komisioni i Ligjeve ka kryer seancën dëgjimore me 20 kandidatët që kanë depozituar kandidaturën.

Do të duhet që ky organ i Kuvendit të mblidhet dhe të nxjerrë të paktën dy emra që do ti dërgohen seancës parlamentare.