“Ka shoqëri me një kec, flenë bashkë” Flet i zoti i majmunit që rrahu me shuplaka policët bashkiakë

Një situatë e pazakontë ndodhi gjatë ditës së enjte në Sarandë.

Mësohet se një majmun rrahu me shuplaka disa policë bashkiakë.

Ata tentuan ta kapin pasi u mobilizuan nga qytetarët që i lajmëruan, pasi e ngatërruan kafshën me një ari.

Por ndërkohë i zoti i majmunit ka folur për mediat duke mohuar se është agresiv, dhe thotë se është prej 5 vitesh pjesë e familjes së tyre.

Madje theksoi se janë njerëzit agresiv ndaj tij, pasi kur e shohin në rrugë “i turren nga mbrapa”.

“Kikua nuk është agresiv, është pjesë e familjes sonë. E kemi prej 5 vitesh, madje ka shoqëri me një kec që janë rritur bashkë, dhe flenë bashkë. Vijnë turistët filmojnë, i japin për të ngrënë. Nuk është fare agresiv, nuk ngacmon njeri. Njerëzit janë agresiv ndaj tij, kur e shohin në rrugë i turren nga mbrapa”, tha ai.