“Kishte flamur të kuq” 18-vjeçari u mbyt teksa u fut në det për të shpëtuar vëllanë dhe shokun, flet roja bregdetare

Një ngjarje e rëndë ndodhi dje në Durrës ku 19-vjeçari Anri Kashiku humbi jetën, pasi tentoi të shpëtojë nga mbytja vëllain e tij të vogël dhe shokun.

I riu u fut në det bashkë me rojen bregdetare Igli Shahinaj për të shpëtuar dy të miturit.

Shahinaj rrëfen se arritën të nxirrnin dy të vegjlit, por 19-vjeçari në atë moment u zhduk dhe nuk mundi ta shihte më, pasi dallgët e kishin tërhequr.

Koha ishte e keqe dhe deti kishte dallgë por të miturit nuk e dëgjuan thirrjen e rojës bregdetare, i cili  thotë se ishte vendosur flamuri i kuq që tregon se ndalohet futja në det.

“U thashë dy të miturve të dilnin nga deti se kishte dallgë, por nuk më dëgjuan  U futa në ujë për të nxjerrë të miturit, erdhi dhe 18-vjeçari për të më ndihmuar. Nxora të miturit nga uji, nuk reagonin, ambulanca normalizoi gjendjen. Kur u ktheva gjeta vetëm kapelen e 18-vjeçarit, policia nisi kërkimet, trupin e nxori uji”, tha Shahinaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern