Nësër zgjedhjet, zbardhet skenari i PD, ja zonat e nxehta ku do të protestohet në Tiranë

Nesër është dita e zgjedhjeve vendore në të gjithë Shqipërinë.

Partia Demokratike, e cila i ka kundërshtuar këto zgjedhje duke refuzuar pjesëmarrjen në to, do të organizojë protesta ditën e nesërme.

Sipas një dokumenti, thuhet se nesër do të ketë protesta nga ora 07:00 deri në orën 20:00 në disa qendra votimi.

Në shkresën e firmosur nga Ervin Minarolli, kryetar i degës së PD në Tiranë, publikuar nga Realstory rezulton se PD ka njoftuar Policinë.

Protesta e PD në Tiranë është fokusuar në pesë shkolla, aty ku janë disa qendra votimi dhe në to do të marrin pjesë rreth 1000 persona.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kështu, zonat e nxehta ku pritet të protestojë PD janë KZAZ pranë shkollave “Avni Rustemi”, Qemal Stafa”, “Konferenca e Pezës”, Kristoforidhi” dhe “Dora Distria”.

Në zgjedhjet lokale që do të zhvillohen ditën e nesërme, do të marrë pjesë vetëm mazhoranca.

Partia Demokratike dhe Lëvizja Socialiste i kanë djegur mandatet dhe nuk marrin pjesë në zgjedhje.

Kriza politike është thelluar pas dy dekreteve rresht të firmosur nga presidenti Ilir Meta, i cili anuloi zgjedhjet e 30 qershorit dhe firmosi datën e re atëtë 132 tetorit, ku të dyja këto dekrete janë cilësuar ‘nul’ nga Partia Socialiste.