Çfarë panë banorët? U tha se 17-vjeçari u mbyt në rezervuar, dalin detaje të rënda nga ngjarja në Tiranë

Zbardhen detaje të reja nga ngjarja e rëndë e shënuar ditën e djeshme në Tiranë.

Një 17-vjeçar humbi jetën. Fillimisht u tha se i riu vdiq teksa po lahej në rezervuarin e fshatit Vrap.

Por mediat raportojne se kjo nuk ndodhi në rezervuar.

17-vjeçari është mbytur në një gropë të hapur për vaditje dhe jo në rezervuar siç u raportua dje nga policia.

Mësohet se i ndjeri banonte në Tiranë, por kishte shkuar tek xhaxhai, ka rrëshqitur në një prej gropave që rrethohen nga plastmasi, dhe është mbytur, për shkak edhe se nuk dinte not. Sipas banorëve gropa është mbyllur gjatë natës për të fshehur kështu ngjarjen e rëndë.

Sipas mediave bëhet fjalë për gropa të thella disa metra, të veshura nga brenda me plasmas, të cilat mbushen me uje dhe përdoren nga banorët për vaditje të pemëve, kryesisht të ullinjve që janë më të përhapur në zonë.

“Sot, rreth orës 19:15, në rezervuarin e fshatit Vrap, është gjetur i mbytur, pa shenja jete dhe pa shenja dhune, nga xhaxhai i tij, një 17-vjeçar. Grupi hetimor ndodhet në vendngjarje dhe po punon për zbardhjen e rrethanave të ngjarjes” njoftoi policia për ngjarjen.