Plagosi 2 shqiptarë dhe një italian, i shumëkërkuari kapet pas tre ditësh

Policia italiane ka kapur sot, Artur Haxhiun, i cili akuzohet se plagosi 2 shqiptarë dhe një italian 3 ditë më parë.

55-vjeçari shqiptar humbi gjurmët pasi braktisi furgonin e vjedhur nga kompania ku punonte në Bibone dhe gjeti një vend për tu fshehur.

Hakmarrja pas dënimit

Para dy vitesh njëri prej të plagosurve kishte denoncuar Artur Haxhiun se e kishte kërcënuar me thikë dhe në maj të këtij vitit 55-vjeçari u dënua me 2 muaj burg.

Dy personat e tjerë të plagosur kishin dëshmuar kundër tij në gjyq.

Të enjten, ushtria, pas tre ditësh kërkime dhe patrullime pa ndërprerje në të gjithë territorin në kufirin me Friuli Venezia Giulia, i dha fund arratisë.

I arratisuri, i cili ndodhej në një autobus përgjatë itinerarit Portogruaro – Latisana – San Michele al Tagliamento – Bibione, u njoh nga një shtetas i cili kontaktoi menjëherë 112 duke vendndodhjen.