Presidenti Meta pasi ka bërë publike datën e re të zgjedhjeve që do të jetë më 31 tetor, është pyetur nga gazetarët nëse ka marrë një garanci nga Lulzim Basha që ai do të hyjë në zgjedhjet e reja.
Meta u shpreh se nuk detyron askënd të marrë pjesë në zgjedhje, pasi detyra e tij si president është tu japë mundësi të gjithëve të reflektojnë.
“Duhet t’ju siguroj se nuk mund të detyroj askënd të marrë pjesë në mënyrë të pavullnetshme në zgjedhje, askënd. Detyra ime si President i Republikës dhe si i vetmi institucion në kushtetutën e vendit është të jap mundësinë të gjithëve të reflektojnë, të bëhen pjesë e procesit, të heqin dorë nga axhendat e ngushta maksimaliste dhe duke qenë se është objektiv kombëtar i gjithë forcave politike anëtarësimi në BE të sillemi në mënyrë evropiane, në këto orë, ditë dhe pak muaj që kanë mbetur”- tha Meta.
