Tragjike/ Ishte zhdukur prej disa ditësh, gjendet e mbytur 56-vjeçarja në Vlorë

Është gjetur i pajetë trupi i 56-vjeçares që ishte zhdukur prej disa ditësh në Vlorë.

Polumbarët nisën kërkimet ditën e djeshme pasi në breg të lumit Vjosa u gjetën disa sende personale të saj. Gruaja ishte denoncuar e zhdukur nga familjarët të cilët kishin humbur kontaktet me të.

Njoftimi i policisë:

Vlorë/Informacion shtesë

Në vijim të informacionit paraprak të ditës së djeshme, në lidhje me kërkimet në lumin Vjosë, ju informojmë se ditën e sotme, në brendësi të lumit është gjetur e mbytur shtetasja L. K., trupi i pajetë i kësaj shtetaseje, do të transportohet në morgun e spitalit të Vlorës, ku do t’i nënshtrohet ekspertizës mjeko-ligjore, për përcaktimin e shkakut të vdekjes.

Grupi hetimor po punon për sqarimin e plotë të rrethanave të ngjarjes.