Menjëherë pas takimit me kryetarin e Partisë Demokratike Lulzim Basha, ka ardhur dhe reagimi i presidentit Ilir Meta.
Meta tregon se gjatë takimit u diskutua mbi krizën aktuale që po kalon Shqipëria.
‘Sot prita në një takim Kryetarin e Partisë Demokratike, z.Lulzim Basha për të diskutuar mbi krizën aktuale që po kalon vendi. Kërkohet përgjegjshmëri dhe sjellje europiane nga të gjithë’, shkruan Meta.
Takimi i kryetarit të PD dhe kreut të shtetit ka zgjatur vetëm 20 minuta.
Ndërkohë presidenti Ilir Meta është në pritje të kryeministrit Edi Rama deri në orën 13:00 edhe pse ky i fundit e refuzoi dje ftesën e tij duke u shprehur se ishte i zënë me fushatën e zgjedhjeve të 30 qershorit.
