Rama tregon se kush janë 4 njerëzit që duan konflikt në 30 qershor

Kryeministri Rama ishte në një takim elektoral në qytetin e Gramshit pasditen e sotme nga ku ka vijuar të përsërisë sulmet ndaj Opozitës.

Rama ka qenë shumë i ashpër në fjalën e tij, teksa ka thënë se Basha, Meta, Berisha dhe Kryemadhi janë katër njerëzit që janë të interesuar për të pasur dhunë më datë 30 qershor.

“Më 30 qershor është një moment kritik për të ardhmen e vendit për të ndarë çfarë Shqipërie duam.  Duam një Shqipëri që Kushtetuta dhe ligji janë koncepte apo janë të patundshme nga asnjë dorë. …Do vijë të votojë për Shqipërinë që nuk mund të kthehet më aty ku po na tregojnë në këto ngjarje që po na turpëron në të gjithë botë. Nuk diskutohet që ka zgjedhje, zgjedhjet janë populli, do të donim ti kishim me të gjithë. Më 30 qershor të jeni të sigurt se nuk do të ndodh gjë. Ata që pengojën e pret përballja me ligjin dhe nuk del dot më jashtë. Dhe që ta mbyllim dhe kur thotë do bëhet 97, Meta që është si hëna. Kur i bie rrotullimi nga ana Saliut . Dhe thotë po bën çmos që të pengojë konfliktin civil nuk ri dot pa e përsëritur. Është shumë e thjeshtë thuaj fallxhores deri më 30 asnjë kokërr kafeje turke në shpi. Dhe nëse ajo mbahet larg dhe Saliu i thotë lulit ‘te shpia’ deri më 30 asnjë nuk del për të krijuar probleme. Zemra e konfliktit janë 4 vetë. Dy ua ka treguar me gisht SHBA. Lulzim Basha dhe Kryemadhi përgjegjës për çka ndodh dy të tjerët i dini vetë. Shqipëria nuk është më shesh për përshesh.” ka thënë ndër të tjera Rama.