E bujshme, Partizani merr një talent dhe zyrtarizon një largim të rëndësishëm

Merkato ka filluar të nxehet në radhët e Partizani. “Klubi i kuq” këtë të mërkurë ka zyrtarizuar dy lëvizje të bujshme në dalje dhe në hyrje. Me ekipin e Franko Lerdës është bashkuar talenti i dalë nga radhët e Kastriotit, Julian Shehu. Ndërsa është bërë zyrtare largimi përfundimtar i mbrojtësit Sodiq Atanda. Mbrojtësi afrikan që ishte një nga pikat më të forta të Partizanit në sezonin që u mbyll, ka firmosur në Izarel me ekipin Hapoel Kfar Saba.

Shehu është afrimi i tretë në radhë për Partizanin në këtë merkato vere. Pas Hakajt dhe Kordeiros, mesfushori 20-vjeçar vjen si një përforcim për të ardhmen, por edhe për të tashmen, pasi ai është një lojtar i konfirmuar i kampionatit tonë. Mesfushori luajti në 31 ndeshje këtë sezon me Kastriotin, teksa arriti të shënonte 4 gola.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern