Iu bë atentat në Fushë-Krujë, ja çfarë tha anëtari i bandës së Niklës

Dalin detaje të reja nga atentati ndaj Marklen Hakës.

Autorët që kanë qëlluar ndaj të riut nga Nikla e kanë ndjekur me makinë deri në hyrje të fshatit Nikël, dhe aty më pas njëri prej tyre ka qëlluar dhe janë larguar me shpejtësi.

Gjithçka ka ndodhur shumë shpejt duke qene se në fshatin Nikël është e vështirë te futesh, prandaj dhe autoret kanë qëlluar ne hyrje dhe janë larguar me shpejtësi. Zbardhet dëshmia e Marklen Hakës para grupit hetimor. Burimet zbardhin dëshminë e anëtarit të bandës së Niklës i cili tha se ishte në makinën e tij kur u qellua me arme dhe u plagos.

“Isha me automjetin tim dhe sapo kam hyrë në rrugën e Niklës, aty kam ndaluar një moment pasi më ka folur dhe jam përshëndetur me djalin e xhaxhait tim. Në momentin që po qëndroja ndaluar, nga makina që kisha pas meje dhe që e kisha vënë re disa herë përmes pasqyrës, është qëlluar me armë drejt meje në një distancë të vogël. Mjetin pas meje e pashë disa herë kur po udhëtoja, por nuk e mendova se do më qëllonin”, mësohet të jetë shprehur Haka.

Haka ndodhej brenda një makine tip “Golf 6” jo i blinduar, dhe po kthehej nga Tapiza në drejtim të fshatit të tij në Nikël. Mësohet se Haka është qëlluar me armë, tip automatik MP5 9 milimetërsh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Burime nga grupi hetimor bëjnë me dije se drejt të riut është qëlluar 17 herë, pasi janë sekuestruar në vendngjarje 17 gëzhoja. Pavarësisht breshërisë së armës, fatmirësisht Haka mori vetëm një plagë në pjesën e nofullës dhe aktualisht ndodhet jashtë rrezikut për jetën.