Gazetari Artur Zheji ka folur për dëshmitë e të penduarit të drejtësisë Nuredin Dumani.

Për të deklaratat mund të përdoren si  çelës për të hapur dyer që deri dje nuk hapeshin, por mund të përdoret edhe si armë në beteja politike.

Zheji: Dumani ka një vlerë të dyfishtë. Rrëfimet e tij mund të përdoren si çelës për të hapur dyer që deri dje nuk hapeshin qëllimisht, sepse ishin të mbrojtura, paguheshin para, kishte kërcënime e frikë. Por, i njëjti Duman mund të përdoret si armë në beteja politike.

Në radhë të parë kërkohet deponimi i tij për gjërat, ku ai ka qenë pjesë, këto janë parësore. Kërkohet ai dhe banda e tij, spiunët e tij. Është një strukturë shumë e sofistikuar në veprim, ku ai është aktor vetë.

Zheji: Ai po lufton mes jetës e vdekjes, për plumbin që ka në mushkëri, por po bëhet dhe njeriu kyç, që mund të bëjë kërdinë. Nëse i thonë se “është gati charteri, ti do shkosh në Zvicër dhe do shërohesh, por na duhen 3-4 koka, do na thuash emra”, çfarë ndodh pastaj? Ai mund të reflektojë, t’i japë emrat, neve na bëhet një gjyq publik si njerëz të lidhur me krimin, ai shkon në Zvicër e shërohet, vazhdon e flet atje, ndërsa ne vazhdojmë këtu të luftojmë për nderin. Kur ne të dalim nga uji, do jemi të sakatuar, pra ai na bën një dëm shumë të madh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern