Dako flet për përgjimet, ja çfarë halli ka PD në Durrës

Kryetari aktual i Bashkisë Durrës, Vangjush Dako ka hapur takimin elektoral në qytetin e Durrësit për prezantimin e kandidates, Valbona Sako.

Dako ka folur edhe për përgjimet e bujshme të publikuara nga gazeta BILD, duke thënë se ajo është një tymnajë e ngritur nga PD për shkak të frikës nga humbja që i ka kapur prej disa kohësh.

Dako ka folur edhe për çështjen e lejeve të ndërtimeve në qytetin e Durrësit, duke treguar numrin e vogël të lejeve për ndërtim.

“Unë dua t’u them të gjithëve se gjatë këtij mandati janë dhënë vetëm 17 leje ndërtimi. Na akuzojnë për blerje votash, ju jeni dëshmitar që çdo qytetar ka votuar PS-në nga viti në vit dhe kjo nuk ka ardhur rastësisht, por nga mirësjedhja jonë, nga mosndarja që u kemi bërë qytetarëve dhe nga puna jonë e përditshme. Por e vërteta është që ata nuk e pranojnë dot që Durrësi nga bastion i PD-së është kthyer në bastion të PS-së. Ata nuk e përtypin dot humbjen prandaj hedhin baltë, nuk e pranojnë tradhtinë që u kanë bërë demokratëve të këtij qyteti. Unë jam i sigurt që puna për turizmin do të vijojë edhe në katër vitet e ardhshme. Valbona Sako do te vijoje punet tona” tha ai.