Menjëherë pas vendimit të Kolegjit Zgjedhor, i cili la në fuqi me vendimin e tij zhvillimin e zgjedhjeve më datë 30 qershor, ka ardhur dhe reagimi i aleatëve të Bashës.
Dashamir Shehi ka folur menjëherë pas mbledhjes në selinë blu duke u shprehur se opozita nuk e njeh këtë vendim, dhe java që vjen do të jetë e artë pasi ata kanë vendosur t’i ndalin këto zgjedhje në të gjitha format.
“Nuk morën ndonjë vendim se vendimet janë marrë me kohë, kjo javë do kulmojë me protestë popullore, këto janë votimet e zotit Rama ne do ndjekim dekretin e Presidentit Meta. Kjo që u mor sot me një parti fantazëm, kolegji është fantazëm s’ka vlerë juridike, ne nuk e njohim këtë vendim.
Kjo do jetë java e artë ne do përballemi në cdo cep të Shqipërisë me këto juntë politike, me datë 30 nuk do ketë votime, kemi shumicën e shqiptarëve me vete. Në të gjitha format do i ndalim. Kemi treguar deri më sot që janë mbledh me mijëra njerëz e s’ka ndodh kurrgjë, kjo është rezistenca jonë dhe do jetë më e madhe gjatë javës”, deklaroi prerë Shehi.
