Kriza e thellë politike që po kalon vendi dhe situata drejt një konflikti të mundshëm civil ka sjellë dhe reagimin e mjekut të njohur Tritan Kalo.
Nëpërmjet një postimi në Facebook, ai akuzon klasën politike se po ndërmerr aktin e fundit të tradhëtisë ndaj shqiptarëve dhe po i dërgon në udhët e emigrimit masiv.
Kalo i etiketon politikanët si të paudhë dhe i kërkon shqiptarëve të ndezin dritat e mendjes e mos i fikin ato të të arsyes duke iu shkuar nga pas si militantë klasës politike.
REAGIMI I PLOTE I MJEKUT TRITAN KALO
PPP-ja më e fundit në tregun e politikbërjes shqiptare, që uroj dhe shpresoj te jetë sa më jetëshkurtër…Përçarje – Përfolje – Përplasje…Kjo përçarje mes nesh, kjo përfolje e çdo fjale dhe veprimi tonë, kjo përplasje e pa principtë mes palëve politike dhe e pabuktë për ardhmërinë tonë, vetëm e vetëm Pa-përgjegjshmëri, Pangopësi dhe Pa-atdhetari mbetet të jetë, POR qytetari, drejtim dhe përgjegjësi morale-politike dhe sociale, KURRË nuk u është dhe kurrë nuk mundet të jetë…Na sollët vërdallë o të paudhë, për pothuajse 30 vite në udhëkryqin e tranzicionit demokratik dhe tanimë të tejngopur me pasuri, me zezona socio-ekonomiko-politike si dhe me keqbërje ndaj Atdheut e Kombit, po ndërmerrni aktin e fundit të tradhtisë ndaj nesh, THEQAFJEN tonë përfundimtare në honet e historisë dhe në udhët e pakthimit/të emigrimit masiv…
MOS ndizni e fikni dritat e celularëve ju bashkëkombasit e mi, POR ndizni dritat e mendjes dhe mos i fikni ato të arsyes…Klasën/kastën/glasën politike e cila na rrëmbeu rreth 30 vite jetë e mundësi begatimi, do të vijojmë ta kemi të kalëruar mbi shpinat tona edhe më tej, NËSE do vijojmë t’u shkojmë nga pas si dele apo militantë trushplarë, si dhe pa dashuri e dhimbsuri për veten e familjet tona…..Quo vadis Shqipëria ime!!!….Ja një këshillë e urtë për këto kohë të pakohta nga Sir. Oliver Ëendell Holmes: “Intuita e një çasti nganjëherë vlen sa përvoja e një jete”.
