Letra e Metës drejtuar kreut të OSBE, reagon Rama: Inshallah ka humbur rrugës se do e nxjerrin si të lajthitur

Pas letrës që presidenti Ilir Meta i shkruajti kreut të OSBE- Miroslav Lajçak, ku i kërkonte ndihmë për zgjidhjen e krizës politike në vend, ka ardhur dhe reagimi i kryeministrit Edi Rama.

Në një status në rrjetin social Twitter, Rama uron që letra të ketë humbur rrugës dhe të mos ketë arritur në destinacion.

Sipas kryeministrit bota do të kujtojë se është shkruar nga ndonjë humorist që ka dashur të tallet me Presidentin e Republikës, duke e nxjerrë si të lajthitur.

‘Kjo letra e Ilir Metës për Presidentin e OSBE inshallah ka humbur rrugës e s’ka arritur në destinacion, se do kujtojnë bota se është shkruar nga ndonjë humorist që ka dashur të tallet me Presidentin e Republikës, duke e nxjerrë si një të lajthitur që bërtet pa ditur çfarë flet’, shkruan Rama.