“Mos të shikoj këtu kur jam unë” Dalin detajet, ja si u ekzekutua 60-vjeçari dje në Tiranë

Dalin detaje të reja në lidhje me vrasjen e  60-vjeçarit Ilir Kapo.

Ai u qëllua me thikë nga fqinji Olgert Dhimitri.

Ngjarja e rëndë ndodhi dje paradite rreth orës 11:15 në një lokal përballë shkollës “Harry Fultz” në Tiranë.

Sipas burimeve, 37-vjeçari ka qenë duke konsumuar alkool në lokalin ku ndodhi krimi. Në një tavolinë tjetër ka qenë edhe viktima 60-vjeçari Ilir Kapo.

Mes tyre ka nisur një sherr fillimisht verbal, ku sipas dëshmitarëve autori i ka thënë viktimës “mos të të shikoj këtu kur të jem unë”.  Duket se 60-vjeçari e ka kundërshtuar të riun. Ky i fundit më pas i ka kërkuar që të dalin dhe të sqarohen jashtë lokalit.  Dhimitri ka marrë një thikë ku e ka goditur për vdekje Kapon.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pas arrestimit të tij nga policia, Olgert Dhimitri fillimisht nuk ka qenë në gjendje që të japë dëshminë e tij për shkak të efektit të alkoolit. Edhe në dëshminë tjetër autori nuk ka kuptuar krimin që ai ka kryer.