Interpol dhe Europol ka zhvilluar një operacion masiv në 70 shtete të botës, ku kanë rënë në pranga dhjetra persona.
Në shqipëri janë arrestuar 9 persona në lidhje me trafikimin e ushqimeve apo pijeve të falsifikuara nën standart.
Identiteti i të arrestuarve ende nuk është bërë publik nga policia.
NJOFTIMI ZYRTAR I POLICISE
Operacioni me pjesëmarrjen e më shumë se 70 vendeve nga e gjithë bota.
Ky operacion ndërkombëtar u mbështet nga INTERPOL dhe EUROPOL
Qe prej 4 vitesh, Shqipëria nëpërmjet Policisë së Shtetit mbështet dhe merr pjesë në Operacionin Ndërkombëtar ‘OPSON 8’, për goditjen e aktivitetit kriminal të prodhimit, tregtimit, trafikimit të produkteve ushqimore dhe pijeve nën/standarde dhe të falsifikuara.
Gjatë operacionit në Shqipëri gjatë kontrolleve të ushtruara nga Policia në të gjitha qarqet janë arritur këto rezultate:
-Janë kontrolluar në total rreth 244 subjekte tregtare, persona fizike, punishte dhe automjete transporti.
– Janë proceduar penalisht për veprën penale të ‘Shkelja e drejtave të pronësisë Industriale’, gjithsej 8 subjekte..
– Janë proceduar penalisht për vepra të tjera penale ‘Mashtrim’, ‘Kontrabanda me mallra të tjera’, ‘Kontrabanda me mallra të ndaluara’, Prodhim të Kundraligjshëm, ‘Punësimi i paligjshëm’, ‘ Falsifikimi i dokumentave’, ‘Falsifikimi i vulave, i stampave osi i formularëve’, ‘Shpërdorimi i detyrës’, ‘Prodhimi dhe shitja e ushqimeve dhe lëndëve të tjera të rrezikshme për shëndetin’, ‘Prodhim i kundraligjshëm i artikujëve dhe mallrave industrialë dhe ushqimorë’, ‘Fshehja e të ardhurave’, gjithsej 30 subjekte,.
Janë proceduar penalisht në gjendje të lire 22 persona,.
– Janë arrestuar në flagrancë dhe ndaluar 9 persona,.
– Është shpallur kërkimi për 1 person
– Janë sekuestruar mallra të ndryshme ushqimore dhe pije të falsifikuara/nën standarde apo të prodhuara në mënyrë të kundraligjshme në sasitë:
Mish i ngrirë në sasinë 2534 kg; Verë në sasinë 8560 litra; Kafe 372 kg; Djath 700 kg; Sallamra dhe nënprodukte 264 kg; Pije të forta alkoolike 52 litra; Pije freskuese 100 litra; Ujë mineral 1450 litra; Vajra vegjetale 66 litra,Vezë 4500 kokrra; Fruta të thata 85 kg; Patatina kubeti 600 njësi etj, të gjitha kapin vlerën rreth 160 000 USD.
