Doli në përgjimet e BILD, Gjiknuri: Nuk e përdhosin dot Partinë Socialiste

Ish-ministri Damian Gjiknuri për herë të parë ka komentuar çështjen e përgjimeve të publikuara nga BILD, ku në disa prej tyre dëgjohej edhe ai duke komunikuar me disa personazhe për zgjedhjet e Dibrës. Nga Finiqi ku ishte për fushatë bashkë me kryeministrin Rama, Gjiknuri i cilësoi ato si palo përgjime duke thënë se janë një përpjekje e dështuar për të përdhosur Partinë Socialiste.

“Jam i bindur që Shuaipi katër vitet e ardhshme do çojë në fund projektin e Unazës ekonomike. Pavarësisht se këtu në Konispol jemi pa kundërshtarë, ne në 30 qershor duhet të marrim pjesë masivisht në zgjedhje. Vota e popullit nuk tjetërsohet as me dhunë dhe me ato palo përgjime që nuk mund të përdhosin fitoren e partisë socialiste. I ftoj në çfarëdolloj sfide, le të përgjojnë këdo, ne prapë do fitojmë. Kemi shumë gabime por dimë të ndryshojmë”, tha Gjiknuri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern