Një ngjarje e rëndë ndodhi në Korçë ku një grua, e cila mendohej se ishte me probleme mendore, pasi kishte lindur fëmijën në kushte shtëpie, e kishte futur në valixhe.
Fëmija nuk mbijetoi dot. Ishte bashkëshorti i gruas i cili denoncoi rastin në polici. Lidhur me ngjarjen, policia ka dalë me një njoftim zyrtar.
Njoftimi i policisë:
Në orët e para të mëngjesit të sotëm, shtetasi K. A., (emigrant në Greqi) ka bërë kallëzim në Komisariatin e Policisë Korçë, se ka gjetur në banesën e tij, në lagjen nr. 15, Korçë, një foshnjë të pajetë.
Bashkëshortja e tij, e cila vuan nga sëmundje të shëndetit mendor është transportuar në maternitetin e qytetit, për ekzaminime të mëtejshme.
Grupi hetimor po punon për sqarimin e rrethanave dhe dokumentimin e plotë të kësaj ngjarjeje.
