Kryeministri Edi Rama ka reaguar sot në Kuvend mbi parkun arkeologjik të Butrintit.
Nga foltorja, ai i është drejtuar opozitës duke i thënë se e kanë dhënë si pronë për një subjekt fizik.
Ndër të tjera, kreu i qeverisë replikoi edhe me deputetin e Partisë Demokratike Edmond Spaho.
“Mora fjalën sepse duhet patjetër të sqaroj se mes jush që s’dini çfarë flisni jemi ne që dimë çfarë bëjmë. Butrinti nuk është pronë familjare. I keni njohur pronën një subjekti fizik në Teatrin e Vjetër të Butrintit. Jeni shprehur se një stër, stër, stër, stër jeton në teatrin antic, nuk ka si të shpjegohet ndryshe, budallallëku në familjen tuaj është ngjitëse, trashëgohet brez pas brezi, e keni në ADN dhe e trashëgoni brez pas brezi.
Mendoni se i merrni njerëzit për budallenj dhe prandaj jeni katandisur kështu, ka një arsye degradimi juaj, por përsa kohë nuk e gjeni, nuk do ta shëroni, ndahuni në 100 pjesë po të doni. Vini e flisni ju për vlerat e trashëgimisë kulturore, ju që kulturalisht jeni rreziku më i madh për kulturën tonë, ju që kulturalisht jeni shembulli lëvizës se si nuk duhet të bëhesh. Ju doni ta ktheni Shqipërinë në kohën kur luftonte me Amerikën, o profesor mos bërtit.
Ta përmenda emrin që të dilni këtu dhe të flisni. Nuk e kam pritur që të merrni flamurin e luftës kundër Amerikës. E konsideroj degradimin e një kopeje kundër Amerikës. Mjafton të rrish në kopenë tuaj dhe sëmundja e budallallëkut e keni marrë.”, tha Rama.
Spaho: Jeni me kartelë të çmendurish!
Rama: Edhe këtë të kartelës e kam dëgjuar me kohë, përdorni të njëjta argumente dhe të njëjta fjalë thoni.
