LIGJET E BIZNESIT
Në 25 prill 2022, persona të paidentifikuar ekzekutuan në shtëpi bosin e mafies greke Giannis Skaftourou. Giannis Skaftouras ishte një emër i njohur për drejtësinë helene pasi konsiderohet si një nga bosët e vjetër të mafies greke, teksa mësohet se është vrarë nga vrasës me pagesë dhe profesionistë.
Ndërkohë pas vrasjes, trupi i pajetë i bosit të mafies greke i është nënshtruar ekspertizës. Konkluzioni i raportit mjeko-ligjor pas ekzaminimit të trupit të Skaftourou, tregon se ai është vrarë me 10 plumba, 3prej tyre në kokë. Lidhur me ngjarjen ka folur për Mega Tv, Stavros Balaskas, sindikalist i ELAS-it i cili thotë se ekzekutorët e 55-vjeçarit, nuk i kanë lënë asgjë rastësisë duke e planifikuar vrasjen e tij në detaje.
Materialet e siguruara nga kamerat e sigurisë së dyqaneve të zonës në Skourta të Viotisë po analizohet tashmë nga oficerët e Departamentit të Vrasjeve që kanë marrë përsipër të zbardhin ekzekutim in e njeriut më të fortë të mafies greke. Ndërkohë për ngjarjen tronditëse është ndërtuar edhe skena 3D e cila sjell detajet sesi autorët u futën në banesën e shënjestrës dhe e ekzekutuan atë në sy të familjes.
“Autorët njihnin shumë mirë shtëpinë e viktimës, muret rrethuese dhe çdo gjë tjetër përreth. Autorët kanë lënë motorin rreth 100 metra larg shtëpisë së Skaftourou, dhe janë futur përmes një rrugë në të cilën nuk ka as banesa dhe as qarkullim, duke mbërritur në tokën e vilës së tij. Më pas ata kanë kaluar murin rrethues pa rënë në sy të askujt, duke u futur në vilë. Kanë qenë tre persona të armatosur dhe të maskuar të cilën janë futur në oborrin e shtëpisë dhe kanë neutralizuar të gjithë familjarët që ndodheshin duke drekuar në tavolinë. ‘Uluni të gjithë përtokë’, mësohet të kenë thënë ata dhe më pas kanë pyetur se ku është Giani dhe e kanë qëlluar me breshëri”, deklaron Balaskas.
Vlen të theksohet se në vitin 2018, i ndjeri Skaftourou ra pre e një sulmi me thikë në një burg të Greqisë. Asokohe sipas mediave greke thuhej se autori i këtij sulmi me thikë ku mbeti i plagosur në këmbë Giannis Skaftourou mund të ketë qenë një anëtar i mafies shqiptare. Giannis Skaftourou i njohur me nofkën “xhaxha Xho”, ishte “dora e djathtë” e Vassilis Stefanakos, një tjetër bos i mafies i cili u vra në vitin 2018. Ky i fundit është përfshirë në disa vrasje të kryera nga shqiptari Alket Rizai.
