Protesta e nëntë e Opozitës në Tiranë do të fillojë për pak minuta dhe qytetarë të ardhur nga e gjithë Shqipëria kanë filluar të mbushin bulevardin “Dëshmorët e Kombit”.
Policia ka bllokuar të gjitha rrugët dhe rrugicat që të çojnë drejt bulevardit qendror. Ndërkohë vetëm pak minuta më parë mbi Tiranë janë parë dy helikopterë që kanë fluturuar.
Nuk dihet nëse këta helikopterë kanë fluturuar për të monitoruar protestën, por ato kanë tërhequr vëmendjen e të gjithë qytetarëve, atyre që po shkonin në protestë dhe të tjerëve.
